Мемлекет басшысы Қасым-Жомарт Тоқаев Италияның көрнекті мемлекет қайраткері, бұрынғы Премьер-министрі Сильвио Берлусконидің дүниеден өтуіне байланысты Министрлер кабинетінің Төрағасы Джорджа Мелониге көңіл айту жеделхатын жолдады. «Еліңіз бүкіл өмірін Италия халқына қызмет етуге арнаған көрнекті мемлекет қайраткерінен, әлемдік деңгейдегі саясаткерден, дарынды әрі парасатты көшбасшыдан айырылды. Сильвио Берлускони екі ел арасындағы қарым-қатынасты нығайтуға елеулі үлес қосқан Қазақстанның шынайы досы еді. Оның көшбасшылық қасиеті және Италияны дамытуға қосқан зор үлесі ешқашан ұмытылмайды», – деп жазылған жеделхатта.