National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Президент Әкімшілігі


Жаңалықтар

Қазақстан мен Беларусь қауіпсіздік кеңестерінің аппараттары кеңейтілген жоспарлы консультациялар өткізді

Минск қаласында Қазақстан және Беларусь қауіпсіздік кеңестері аппараттарының арасындағы кеңейтілген жоспарлы консультациялар өтті.

Қазақстан Республикасы Президентінің көмекшісі – Қауіпсіздік Кеңесінің Хатшысы Қалмұханбет Қасымов және Беларусь Республикасы Қауіпсіздік Кеңесінің Мемлекеттік хатшысы Станислав Зась төрағалық еткен келіссөздер барысында екі мемлекет арасындағы ынтымақтастықтың өзекті мәселелері талқыланды.

Тараптар әлем және өңірлік қауіпсіздіктің қазіргі ахуалы бойынша пікірлерін білдірді. Ақпараттық қауіпсіздік саласындағы бүгінгі қауіп-қатерлер жан-жақты қозғалды. Тараптар осы саладағы тәжірибелерімен бөлісті

Екі мемлекеттің ақпараттық қауіпсіздігін қамтамасыз ету мақсатында әріптестіктің тиімділігін арттыру бойынша бірлескен ұсыныстар пысықталды.

Сонымен қатар қонсультациялар барысында қорғаныс саласындағы халықаралық ынтымақтастықтың әртүрлі аспектілері және әскери-техникалық екіжақты өзара іс-қимылдың қазіргі жағдайы мен перспективалық бағыттары қаралды

Бұдан басқа, 2020 жылы қаңтар айынан бастап Ұжымдық қауіпсіздік туралы шарт ұйымының Бас хатшысы лауазымына С.Засьтың кірісуіне байланысты Беларусь Республикасының төрағалығы шеңберінде осы халықаралық ұйымының басым бағыттары сөз болды.

Жұмыс нәтижелері бойынша екі елдің мемлекеттік органдарына нақты тапсырмалар берілді.

Қауіпсіздік кеңестерінің аппараттары арасындағы консультациялар қабылданған ынтымақтастық жоспарына сәйкес тұрақты негізінде жалғаса бермек.


Кері қайту Кері қайту Twitter Facebook Басып шығару

Заңдар

2021 жылғы 01 сәуір

Мемлекет басшысы «Еуразиялық экономикалық одақтың тауар белгілері, қызмет көрсету белгілері және тауарлар шығарылған жерлердің атаулары туралы шартты ратификациялау туралы» Қазақстан Республикасының Заңына қол қойды


Мемлекет басшысы Еңбек және халықты әлеуметтік қорғау министрі Серік Шәпкеновті қабылдады

2021 жылғы 14 сәуір

Мемлекет басшысы Еңбек және халықты әлеуметтік қорғау министрі Серік Шәпкеновті қабылдады

Жарлық

2021 жылғы 05 сәуір

Хроника