Іс-шара барысында делегациялар басшылары ТМД кеңістігіндегі тұрақтылық пен қауіпсіздікке төніп тұрған қазіргі қауіп-қатерлер тұрғысынан өңірлік өзара іс-қимылдың өзекті мәселелерін талқылады. Атап айтқанда, Ауғанстандағы ахуал мен Орталық Азиядағы мемлекеттердің қауіпсіздігін қамтамсыз ету жөніндегі шаралар, терроризм мен діни экстремизмді қаржыландыруды болдырмау, сондай-ақ биологиялық қауіпсіздік саласындағы өзара іс-қимыл мәселелері қаралды. Қазақстан мен Ресей қауіпсіздік кеңестерінің аппараттары деңгейіндегі кезекті екі жақты консультациялар аясында Ғ.Байжанов ресейлік әріптесі Н.Патрушевпен келіссөз өткізді. Кездесу барысында тараптар қауіпсіздік саласындағы екі жақты қарым-қатынастардың кең ауқымды бағыттары, соның ішінде халықаралық терроризм мен діни экстремизмге қарсы тұру, азық-түлік қауіпсіздігін қамтамасыз ету ісіндегі өзара ықпалдастық мәселелері жөнінде пікір алмасты.