Ішкі саясат бөлімінің меңгерушісі
Айжан Болатқызы Шайназарова
1971 жылы Алматыда дүниеге келген.
Санкт-Петербург мемлекеттік университетін «философ, әлеуметтік-саяси пәндер оқытушысы» мамандығы бойынша бітірген (1993).
Еңбек жолын 1993 жылы Жамбыл жеңіл және тамақ өнеркәсібі институтының Алматы филиалында «Философия» кафедрасының аға лаборанты болып бастаған.
1994-1999 жылдары – Қазақ мемлекеттік басқару академиясы «Философия» кафедрасының аға лаборанты, оқытушысы.
1999-2001 жылдары – Л.Н.Гумилев атындағы Еуразия ұлттық университеті «Философия» кафедрасының аға оқытушысы.
2001-2003 жылдары – Мәдениет, ақпарат және қоғамдық келісім министрлігінің Ішкі саясат департаменті Қоғамдық-саяси жұмыс басқармасының бас маманы.
2001-2003 жылдары – Ақпарат министрлігінің Әлеуметтік технологиялар департаменті Өңірлік саясат басқармасының Талдау және мониторинг орталығының бастығы.
2004-2008 жылдары – Қазақстан Республикасы Президенті Әкімшілігінің Әлеуметтік-саяси бөлімінің бас сарапшысы.
2008-2019 жылдары – Қазақстан Республикасы Президенті Әкімшілігінің Ішкі саясат бөлімінің сарапшысы, бас сарапшысы, инспекторы, сектор меңгерушісі.
2019-2021 жылдары – Қазақстан Республикасы Президенті Әкімшілігінің Ішкі саясат бөлімі меңгерушісінің орынбасары.
2021 жылы – Есіл ауданы әкімінің орынбасары.
2021-2022 жылдары – Ақпарат және қоғамдық даму министрлігі аппаратының басшысы.
2022 жылғы қазан мен 2023 жылғы қыркүйек аралығында – Қазақстан Республикасы Президенті Әкімшілігінің Мемлекеттік инспекторы.
2023 жылғы 6 қыркүйекте Мемлекет басшысының Өкімімен Қазақстан Республикасы Президенті Әкімшілігінің Ішкі саясат бөлімінің меңгерушісі болып тағайындалды.
«Ерен еңбегі үшін» (2013 ж.) медалімен, «Құрмет» (2022 ж.) орденімен марапатталған.