National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Құқықтық актiлер


Жарлықтар

Қазақстан Республикасы Президентінің жанындағы Ұлттық құрылтайды құру және Қазақстан Республикасы Президентінің кейбір жарлықтарының күші жойылды деп тану туралы

2022 жылғы 15 маусым

Қазақстан Республикасы Конституциясының 44-бабы 20) тармақшасына сəйкес ҚАУЛЫ ЕТЕМІН:

1. Қазақстан Республикасы Президентінің жанындағы Ұлттық құрылтай құрылсын.

2. Қоса беріліп отырған:

1) Қазақстан Республикасы Президентінің жанындағы Ұлттық құрылтай туралы ереже;

2) Қазақстан Республикасы Президентінің жанындағы Ұлттық құрылтайдың құрамы бекітілсін.

3. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.

4. Осы Жарлық қол қойылған күнінен бастап қолданысқа енгізіледі.

 

Қазақстан Республикасының

                Президенті                                                                       Қ.Тоқаев

 

Нұр-Сұлтан, Ақорда, 2022 жылғы 14 маусым

                                № 930

 

 

Қазақстан Республикасы

Президентінің

2022 жылғы  14  маусымдағы

№ 930  Жарлығымен

БЕКІТІЛГЕН

 

 

Қазақстан Республикасы Президентінің жанындағы

Ұлттық құрылтай туралы

ЕРЕЖЕ

 

1. Жалпы ережелер

1. Қазақстан Республикасы Президентінің жанындағы Ұлттық құрылтай (бұдан әрі – Ұлттық құрылтай) Қазақстан Республикасының Президенті жанындағы консультативтік-кеңесші орган болып табылады.

2. Ұлттық құрылтай қызметінің негізгі мақсаты қоғамдық бірігуді одан әрі дамыту жөніндегі идеялар мен қадамдарды тұжырымдау болып табылады.

3. Ұлттық құрылтай өз қызметінде Қазақстан Республикасының Конституциясын, заңдарын, Қазақстан Республикасы Президентінің актілерін, өзге де нормативтік құқықтық актілерді, сондай-ақ осы ережені басшылыққа алады.

 

2. Ұлттық құрылтайдың негізгі міндеттері

4. Ұлттық құрылтайдың негізгі міндеттері:

қоғамдық бірігуді дамыту, жалпыұлттық құндылықтарды ілгерілету және нығайту бойынша ұсыныстарды тұжырымдау және енгізу;

жұртшылықтың, саяси партиялардың, үкіметтік емес сектор мен мемлекеттік органдардың өкілдері арасында сындарлы диалогты қамтамасыз ету;

өз құзыретінің шеңберінде Қазақстан Республикасының заңнамасына қайшы келмейтін өзге де қызметті жүзеге асыру болып табылады.

 

3. Ұлттық құрылтайдың құрамы

 

5. Ұлттық құрылтай Ұлттық құрылтайдың Төрағасынан, оның екі орынбасарынан, мүшелерден және хатшыдан тұрады.

6. Қазақстан Республикасының Президенті Ұлттық құрылтайдың Төрағасы (бұдан әрі – Төраға) болып табылады.

7. Төраға:

Ұлттық құрылтайдың қызметіне жалпы басшылықты жүзеге асырады;

Ұлттық құрылтайдың отырыстарын өткізу орны мен уақытын айқындайды;

Төрағаның орынбасарларына, Ұлттық құрылтайдың мүшелеріне және хатшысына тапсырма береді.

8. Қазақстан Республикасының Мемлекеттік кеңесшісі Ұлттық құрылтай Төрағасының орынбасары болып табылады, оның отырыстарының күн тәртібін бекітеді және Төрағаның тапсырмалары бойынша өзге де өкілеттіктерді жүзеге асырады.

9. Ұлттық құрылтайдың құрамы белгілі мемлекет және қоғам қайраткерлерінің, саяси партиялар, үкіметтік емес сектор, бизнес-қауымдастықтар, сарапшылар қоғамдастығы және облыстардың, республикалық маңызы бар қалалардың, астананың қоғамдық кеңестері өкілдерінің қатарынан жасақталады. Ұлттық құрылтайдың құрамы кезең-кезеңмен, оның мүшелеріне ротация жүргізу тәртібімен жаңартылып тұрады.

10. Ұлттық құрылтайдың мүшелері:

Ұлттық құрылтайдың жұмыс органына Ұлттық құрылтайдың жұмыс жоспары, оның отырыстарының күн тәртібі және мәселелерді талқылау тәртібі жөнінде ұсыныстар енгізуге;

Ұлттық құрылтайдың отырыстарына материалдарды дайындауға қатысуға;

Ұлттық құрылтайдың отырысында қаралатын мәселелерді қоғамда талқылауға және түсіндіруге қатысуға құқылы.

Ұлттық құрылтайдың мүшелері өз өкілеттіктерін басқа адамдарға беруге құқылы емес.

11. Ұлттық құрылтайдың хатшысы:

жекелеген жұмыс түрлерін жүзеге асыру үшін сарапшыларды, ғалымдар мен мамандарды белгіленген тәртіппен тартады;

Ұлттық құрылтай отырыстарының дайындалуы мен өткізілуін ұйымдастыруды қамтамасыз етеді;

Төрағаның және Төраға орынбасарларының тапсырмалары бойынша өзге де өкілеттіктерді жүзеге асырады.

 

4. Ұлттық құрылтайдың қызметін ұйымдастыру

 

12. Ұлттық құрылтайдың отырыстары қажеттігіне қарай, бірақ жылына кемінде бір рет өткізіледі.

Егер Ұлттық құрылтайдың отырысына оның мүшелерінің жалпы санының кемінде жартысы қатысса, оның құқықтық күші бар болып табылады.

13. Ұлттық құрылтайдың ұсынымдары мен ұсыныстары Төраға қол қоятын хаттамамен ресімделеді.

14. Ұлттық құрылтайдың ұсынымдары мен ұсыныстарын алған мемлекеттік органдар, сондай-ақ қоғамдық бірлестіктер оларды қарайды және қабылданған шаралар туралы Ұлттық құрылтайды Қазақстан Республикасының заңнамасында белгіленген тәртіппен хабардар етеді.

15. Ұлттық құрылтайда талқыланатын мемлекеттік саясаттың өзекті мәселелері мен Ұлттық құрылтайдың отырыстарында қабылданған ұсынымдар мен ұсыныстар жұртшылықтың назарына бұқаралық ақпарат құралдары арқылы жеткізіледі, сондай-ақ Интернет желісінде орналастырылады.

16. Ұлттық құрылтайдың отырыстарына Төрағаның шешімі бойынша Ұлттық құрылтайдың мүшелері болып табылмайтын лауазымды адамдар, сондай-ақ қоғамдық ұйымдардың, бұқаралық ақпарат құралдарының өкілдері шақырылуы мүмкін.

 

5. Ұлттық құрылтайдың қызметін қамтамасыз ету

 

17. Қазақстан Республикасының Ақпарат және қоғамдық даму министрлігі Ұлттық құрылтайдың жұмыс органы болып табылады.

18. Ұлттық құрылтайдың жұмыс органы:

Ұлттық құрылтай отырыстарының күн тәртібі мен бағдарламасының жобасын қалыптастырады;

Ұлттық құрылтайдың отырыстарына материалдарды, сондай-ақ хаттамалық ұсынымдар мен ұсыныстардың жобаларын дайындауды ұйымдастырады;

Ұлттық құрылтайдың мүшелеріне Ұлттық құрылтайдың кезекті отырысының өтетін орны, уақыты және күн тәртібі туралы хабарлайды, оларды қажетті материалдармен уақтылы қамтамасыз етеді;

Ұлттық құрылтайдың қызметін ақпараттық-талдамалық қамтамасыз етуді жүзеге асырады;

жүктелген міндеттерді орындауға қажетті ақпаратты, құжаттар мен материалдарды мемлекеттік органдар мен ұйымдардан сұратады және алады;

Ұлттық құрылтай қабылдаған ұсынымдар мен ұсыныстардың іске асырылу мониторингін жүзеге асырады;

Ұлттық құрылтай қызметінің шеңберінде бұқаралық ақпарат құралдарымен өзара іс-қимыл жасайды;

Ұлттық құрылтайдың қызметін қамтамасыз етуге қажетті өзге де өкілеттіктерді жүзеге асырады.

 

 

 

Қазақстан Республикасы

Президентінің

2022 жылғы 14 маусымдағы

№ 930 Жарлығымен

БЕКІТІЛГЕН

 

 

Қазақстан Республикасы Президентінің жанындағы Ұлттық құрылтайдың

ҚҰРАМЫ

 

Тоқаев
Қасым-Жомарт Кемелұлы          

 Қазақстан Республикасының Президенті, төраға 

Қарин
Ерлан Тынымбайұлы

 

 Қазақстан Республикасының Мемлекеттік кеңесшісі, төрағаның орынбасары

Жексенбай
Бибігүл Нұрғалиқызы

 «Бас редакторлар клубы» республикалық қоғамдық бірлестігінің президенті, төрағаның орынбасары

Балаева
Аида Ғалымқызы

 Қазақстан Республикасы Президенті Әкімшілігі Басшысының орынбасары, хатшы 

 

Ұлттық құрылтайдың мүшелері:

 

Ақылбай
Серік Байсейітұлы

 «Қазақстан заңгерлер одағы» республикалық қоғамдық бірлестігінің төрағасы (келісім бойынша) 

Арыстанбеков
Қайырбек Төлендіұлы 

 Экономикалық саясат институтының президенті (келісім бойынша) 

Әбенов
Мұрат Абдуләмитұлы

 «Серпін» ұлттық білім беру және инновация палатасының төрағасы (келісім бойынша)  

Әміртаев
Азаматхан Сайлауұлы 

 «Байтақ Болашақ» экологиялық альянсы» республикалық қоғамдық бірлестігінің президенті (келісім бойынша)

Әлтеев
Бауыржан Ілімшеұлы 

 Шымкент қаласы Қоғамдық кеңесінің мүшесі, «Шымкент қаласы кәсіподақтар орталығы» аумақтық кәсіподақтар бірлестігінің төрағасы (келісім бойынша)

Әскеров
Эмин Халилұлы

 «Green Tal» әлеуметтік шеберханасының басшысы, әлеуметтік кәсіпкерлік мектебінің әлеуметтік кәсіпкері (келісім бойынша) 

Әубәкіров
Тоқтар Оңғарбайұлы 

 ғарышкер, Халық қаһарманы (келісім бойынша) 

Әшімбаев
Данияр Рахманұлы

 саясаттанушы (келісім бойынша) 

Әшімжанов
Жанарбек Садықанұлы 

 Қазақстан Республикасы Парламенті Мәжілісінің депутаты (келісім бойынша)

Байрамуков
Ислам Ильясович

 еркін күрестен еңбек сіңірген спорт шебері (келісім бойынша) 

Бапи
Ермұрат Сейтқазыұлы

 қоғам қайраткері, журналист (келісім бойынша)

Басин
Вадим Борисович

 Қазақстанның Еңбек Ері, Қарағанды облысы әкімінің орынбасары (келісім бойынша) 

Баталов
Райымбек Әнуарұлы

 «Атамекен» ұлттық кәсіпкерлер палатасының басқарма төрағасы (келісім бойынша) 

Башимов
Марат Советұлы

 Еуропалық құқық және адам құқықтары сарапшылық институтының директоры, Қазақстан Республикасы Президентінің жанындағы Кешірім жасау мәселері жөніндегі комиссияның төрағасы (келісім бойынша) 

Бәйменов
Әлихан Мухамедияұлы

 Мемлекеттік қызмет саласындағы өңірлік хабтың басқарушы комитетінің төрағасы (келісім бойынша) 

Бектаев
Әли Әбдікәрімұлы

 «Ауыл» халықтық-демократиялық патриоттық партиясының төрағасы, Қазақстан Республикасы Парламенті Сенатының депутаты (келісім бойынша) 

Бектұрғанов
Серік Шыңғысұлы

 Қостанай облысы Қоғамдық кеңесінің мүшесі, «Тобыл» әлеуметтік-кәсіпкерлік корпорациясы» акционерлік қоғамы басқарма төрағасының орынбасары (келісім бойынша) 

Бикебаев
Айдын Жолшыұлы

 Республикалық адвокаттар алқасының төрағасы (келісім бойынша) 

Бисенов
Қылышбай Алдабергенұлы

 Қызылорда облысы Қоғамдық кеңесінің мүшесі, техника ғылымдарының докторы, профессор, Қазақстан Республикасы Ұлттық ғылым академиясының академигі (келісім бойынша) 

Больгерт
Евгений Андреевич

 «Возрождение» қазақстандық немістер бірлестігі» қоғамдық қоры қамқоршылық кеңесінің төрағасы (келісім бойынша) 

Борашов
Раббым Байбозұлы 

 Маңғыстау облысы Қоғамдық кеңесінің мүшесі, дара кәсіпкер (келісім бойынша)

Газдиева
Белла Асланбековна

 Ақмола облысы Қоғамдық кеңесінің мүшесі, Қазақстан Республикасы Президентінің жанындағы Мемлекеттік басқару академиясы Ақмола филиалының директоры (келісім бойынша) 

Гаипов
Зулфухар Сұлтанұлы

 Нұр-Сұлтан қаласы Қоғамдық кеңесінің төрағасы, Нұр-Сұлтан қаласы әкімдігінің «Көлік және коммуникациялар жоғары колледжі» шаруашылық жүргізу құқығындағы мемлекеттік коммуналдық кәсіпорнының директоры (келісім бойынша) 

Ғұбайдуллин
Бауыржан Файзоллаұлы

 Батыс Қазақстан облысы Қоғамдық кеңесінің мүшесі, Қазақстан Жазушылар одағының мүшесі (келісім бойынша) 

Дайрабаев
Жигули Молдақалықұлы

 Қазақстан фермерлер қауымдастығының  төрағасы (келісім бойынша) 

Дандығараева
Бибігүл

 Қазақстан Республикасы Мемлекеттік орталық музейі директорының орынбасары (келісім бойынша) 

Дәулеталин
Сатыбалды Телағысұлы

 Қазақстан Республикасы Кәсіподақтар федерациясының төрағасы (келісім бойынша) 

Дәулетбаева
Әйгерім Маратбекқызы 

 Жамбыл облысы Қоғамдық кеңесінің мүшесі, «Жастар мүгедектер одағы» облыстық қоғамдық бірлестігінің төрағасы (келісім бойынша) 

Дементьева
Наталья Григорьевна

 Қазақстан Республикасы Парламенті Мәжілісінің депутаты, «Русская община столицы» қоғамдық бірлестігінің төрағасы (келісім бойынша) 

Досжанова
Сәуле Мағазбекқызы

 жазушы, Қазақстанның еңбек сіңірген қайраткері, Қазақстан Жазушылар одағының мүшесі (келісім бойынша) 

Дулатбеков
Нұрлан Орынбасарұлы

 Е.А.Бөкетов атындағы Қарағанды университетінің ректоры (келісім бойынша) 

Елгезек
Ақберен 

 Қазақстан Жазушылар одағы төрағасының бірінші орынбасары (келісім бойынша) 

Ерниязова
Айсұлу Әлімжанқызы

 «Қазақстан волонтерлері лигасы» қоғамдық қорының төрағасы (келісім бойынша) 

Ерсайынұлы
Уайс

 қоғам қайраткері, Ақтау қаласы мәслихатының депутаты (келісім бойынша) 

Ертісбаев
Ермұхамет Қабиденұлы

 Қазақстан халық партиясының  төрағасы (келісім бойынша) 

Есім
Ғарифолла Қабдыжаппарұлы

 дінтанушы, философ, абайтанушы, Қазақстан Республикасы Ұлттық ғылым академиясының академигі (келісім бойынша)

Жабағин
Мақсат Қизатұлы

 Ұлттық биотехнология орталығы адам генетикасы зертханасының меңгерушісі (келісім бойынша) 

Жақанов
Илья Жақанұлы  

 композитор, жазушы, Қазақстанның еңбек сіңірген қайраткері (келісім бойынша)

Жаңбыршин
Еділ Терекбайұлы

 Қазақстан Республикасы Парламенті Мәжілісінің депутаты (келісім бойынша) 

Жұмаділдаев
Асқар Серқұлұлы

 математик ғалым, мемлекет қайраткері, физика-математика ғылымдарының докторы, Қазақстан Республикасы Ұлттық ғылым академиясының академигі (келісім бойынша) 

Жылқышиев
Байділда

 Түркістан облысы Қоғамдық кеңесінің төрағасы (келісім бойынша) 

Закарья
Күнсұлу Дальтонқызы

 Биологиялық қауіпсіздік проблемалары ғылыми-зерттеу институтының бас директоры (келісім бойынша) 

Избасов
Максим Шафихұлы

 Атырау облысы Қоғамдық кеңесінің мүшесі, мұнай-газ кешенінің ардагері (келісім бойынша) 

Илеуова
Гүлмира Тоқшалыққызы

 «Стратегия» әлеуметтік және саяси зерттеулер орталығы» қоғамдық қорының жетекшісі (келісім бойынша) 

Кенжеханұлы
Рауан 

 «Ұлттық аударма бюросы» қоғамдық қорының атқарушы директоры (келісім бойынша) 

Кривошеев
Денис 

 журналист, экономикалық шолушы (келісім бойынша)

Күрішбаев
Ақылбек Қажығұлұлы 

Қазақстан Республикасы Парламенті Сенатының депутаты (келісім бойынша)

Қайдарова
Диляра Радикқызы 

 Қазақ онкология және радиология ғылыми-зерттеу институтының директоры, Қазақстан Республикасы онкологтары қауымдастығының президенті (келісім бойынша)

Қалиев
Талғат Бегімұлы

 Қолданбалы этносаяси зерттеулер институтының директоры, саясаттанушы (келісім бойынша) 

Қамзабекұлы
Диқан 

 филология ғылымдарының докторы, Қазақстан Республикасы Ұлттық ғылым академиясының академигі(келісім бойынша)

Қанай
Гүлмира Әмірханқызы

 Қазақ ұлттық қыздар педагогикалық университетінің ректоры (келісім бойынша) 

Қаниев
Берік Серәліұлы 

 «Lancaster Group Kazakhstan» акционерлік қоғамы директорлар кеңесінің төрағасы (келісім бойынша)

Қашқынбеков
Арман Қайырберліұлы

 Халықаралық қар барысы қорының директоры (келісім бойынша) 

Қожахметова
Ләззат Таймырқызы

 Қарағанды облысы Қоғамдық кеңесінің мүшесі, «Talbesik» көпбалалы аналар одағы» қоғамдық бірлестігінің жетекшісі (келісім бойынша) 

Қошанов
Ерлан Жақанұлы

 Қазақстан Республикасы Парламенті Мәжілісінің Төрағасы, «AMANAT» партиясы төрағасы және депутаттық фракциясының жетекшісі (келісім бойынша) 

Қоянбаев
Нұрлан Нұғманұлы 

 Қазақстан Республикасы Президенті Телерадиокешенінің креатив директоры (келісім бойынша) 

Құлекеев
Жақсыбек Әбдірахметұлы

 Қолданбалы экономика зерттеулері орталығының ғылыми жетекшісі (келісім бойынша) 

Құлжанов
Мақсұт Кәрімұлы

 «Республикалық медициналық палата» қоғамдық бірлестігінің басқарма төрағасы (келісім бойынша) 

Құранбек
Сәрсен

 Қазақстан жекпе-жек өнері қауымдастығының вице-президенті (келісім бойынша) 

Құрманәлиев
Кәрімбек Арыстанбекұлы

 филология ғылымдарының докторы, профессор, Қазақстан Республикасы Ұлттық ғылым академиясының толық мүшесі (келісім бойынша) 

Құттықадам
Сейдахмет 

 қоғам қайраткері (келісім бойынша) 

Қыдырәлі
Дархан Қуандықұлы 

 Халықаралық түркі академиясының президенті, «Егемен Қазақстан» республикалық газеті» акционерлік қоғамының басқарма төрағасы (келісім бойынша)

Лодочников
Алексей Алексеевич

 блогер, домбырашы-әнші (келісім бойынша) 

Майгелдінов
Қазбек Өмірзақұлы

 «Қазақстандық қоғамдық даму институты» коммерциялық емес акционерлік қоғамының басқарма төрағасы (келісім бойынша) 

Мамбетбай
Қайрат Жолдыбайұлы

 қоғам қайраткері, дінтанушы (келісім бойынша) 

Мурадов
Ахмет Сейдарахманович

 «Вайнах» Қазақстан шешендері мен ингуштары қауымдастығының тең төрағасы (келісім бойынша) 

Нурумов
Шаймардан Усаинович

 Қазақстан ұйғырларының республикалық этномәдени орталығының төрағасы (келісім бойынша) 

Нұрғазиева
Бану Ғаниқызы

 Қазақстан Азаматтық альянсының президенті (келісім бойынша) 

Нұржан
Светқали Сабырғалиұлы 

 ақын, филолог (келісім бойынша)

Нұрмұхамедов
Бөріхан Жолбарысұлы 

саясаттанушы (келісім бойынша)

Нұртаза
Самат Русланұлы

 саясаттанушы, блогер (келісім бойынша) 

Огай
Сергей Геннадьевич

 «Қазақстан корейлері қауымдастығы» заңды тұлғалар бірлестігінің президенті (келісім бойынша) 

Омарбекова
Жанат Әнуарбекқызы

 Қазақстан Республикасы Парламенті Мәжілісінің депутаты, Қазақстан мүгедектер конфедерациясының төрағасы (келісім бойынша) 

Омарова
Айман Мұратқызы

 адвокат, «Құқық қорғаушылар» қоғамдық қорының тең құрылтайшысы (келісім бойынша) 

Орынбек
Айгүл Сатбайкызы

 құқық қорғаушы қайраткер (келісім бойынша) 

Палинка
Надежда Викторовна

 «Aзаттық рухы» агенттігінің тілшісі (келісім бойынша) 

Перуашев
Азат Тұрлыбекұлы

 «Ақ жол» демократиялық партиясының төрағасы, Қазақстан Республикасы Парламентінің Мәжілісіндегі фракция жетекшісі (келісім бойынша) 

Пириев
Аскер Аллавердиевич

 «Ахыска» түрік этномәдени орталығы» республикалық қоғамдық бірлестігінің Нұр-Сұлтан қаласы филиалының төрағасы (келісім бойынша) 

Пулатов
Шерзод Аббозович

 Нұр-Сұлтан қаласы «Өзбек этномәдени орталығы» қоғамдық бірлестігінің төрағасы (келісім бойынша) 

Рау
Альберт Павлович

 Қазақстан Республикасы Парламенті Мәжілісінің депутаты (келісім бойынша) 

Рожин
Максим Николаевич

 журналист, блогер (келісім бойынша)  

Рыпаков
Денис Сергеевич

 Шығыс Қазақстан облысы Қоғамдық кеңесінің төрағасы, Шығыс Қазақстан облысы мәслихатының хатшысы (келісім бойынша) 

Сабильянов
Нұртай Салихұлы 

 қоғам қайраткері (келісім бойынша)

Саиров
Ерлан Бияхметұлы

 Қазақстан Республикасы Парламенті Мәжілісінің депутаты (келісім бойынша) 

Салжанов
Исламбек Төлеубекұлы 

«Аltyn Kyran» халықаралық қайырымдылық қорының президенті (келісім бойынша)

Сапарбекұлы
Абзал

 «Отандастар» қоры» коммерциялық емес акционерлік қоғамының президенті (келісім бойынша) 

Сарыбаев
Серік Әбікенұлы 

жазушы, тележурналист (келісім бойынша)

Сарым
Айдос Әміроллаұлы

 Қазақстан Республикасы Парламенті Мәжілісінің депутаты (келісім бойынша) 

Сатыбалды
Азамат 

Т.Жүргенов атындағы Қазақ ұлттық өнер академиясының ректоры, Қазақстанның еңбек сіңірген қайраткері (келісім бойынша)

Сахариянов
Қанат Ақылбайұлы 

 «Media Holding «Atameken Business» жауапкершілігі шектеулі серіктестігінің бас директоры (келісім бойынша) 

Сәбитова
Айнұр Әлімханқызы

 «Жақсылық акселераторы: Ізгілік елшісі» ұлттық еріктілер қозғалысы» қоғамдық бірлестігінің жетекшісі, заңгер (келісім бойынша) 

Сәдуақасов
Серік Тельманұлы

 Павлодар облысы Қоғамдық кеңесінің мүшесі, Павлодар облысы Кәсіпкерлер палатасының директоры (келісім бойынша) 

Сельтеев
Оразғали Қаймолдаұлы

 Еуразиялық интеграция институтының директоры (келісім бойынша) 

Суларов
Эдик Джемарович

 Жамбыл облысы Қордай ауданының Сортөбе ауылы № 17 орта мектеп директорының міндетін атқарушы (келісім бойынша) 

Сүлеймен
Олжас Серікбайұлы

 Team Qazaqstan жобасының жетекшісі (келісім бойынша) 

Сүлейменова
Жұлдыз Досбергенқызы

Қазақстан Республикасы Парламенті Мәжілісінің депутаты (келісім бойынша)

Талаева
Тәттігүл Жақсыбайқызы

 Ақтөбе облысы Қоғамдық кеңесінің төрағасы, «Тандем» телерадиокешені» жауапкершілігі шектеулі серіктестігінің бас директоры (келісім бойынша) 

Танысбай
Ләззат Мұратқызы

 «Қазақстан» республикалық телерадиокорпорациясы» акционерлік қоғамының басқарма төрағасы (келісім бойынша) 

Тау
Сырымбек 

кәсіпкер, «DACO-MOTORS» жауапкершілігі шектеулі серіктестігінің директоры (келісім бойынша)

Тимощенко-Боровикова
Анастасия Юрьевна

 «Қазақстан украиндары радасы» заңды тұлғалар республикалық бірлестігінің жастар қанатының төрағасы (келісім бойынша) 

Толамысов
Амангелді Ғабдылкәрімұлы

 Алматы облысы Қоғамдық кеңесінің мүшесі, Талдықорған өңірі бойынша «Харекет» қоғамдық қорының төрағасы, «Айналайын» балалар үйінің қамқоршылық кеңесінің төрағасы (келісім бойынша) 

Толықбай
Мақсат Мәлікұлы

 QAZAQSTAN ұлттық телеарнасының бас продюсері, ASHYQ ALAŃ талдау бағдарламасының жүргізушісі (келісім бойынша) 

Тұрлыханов
Дәулет Болатұлы

 «Қазақстан грек-рим, еркін және әйелдер күресі федерациясы» республикалық қоғамдық бірлестігінің президенті (келісім бойынша) 

Тұрсынғожаев
Қайсар Болатбайұлы

 білім беру мәселелері бойынша сарапшы (келісім бойынша) 

Уәли
Берік Уәлиұлы

 «Хабар агенттігі» акционерлік қоғамының басқарма төрағасы (келісім бойынша) 

Усанова
Руфина Касымовна

 «Туған тел» Алматы облыстық татар мәдени орталығы» қоғамдық бірлестігінің төрағасы, Алматы облысы Қоғамдық кеңесінің мүшесі (келісім бойынша) 

Фазылжанова
Анар Мұратқызы

 А. Байтұрсынов атындағы Тіл білімі институтының директоры (келісім бойынша) 

Худяков
Сергей Герольдович

 Солтүстік Қазақстан облысы Қоғамдық кеңесінің мүшесі, «Жергілікті өзін-өзі басқаруды дамыту институты» жекеше мекемесінің директоры (келісім бойынша) 

Чеботарев
Андрей Евгеньевич

 «Альтернатива» өзекті зерттеулер орталығының директоры (келісім бойынша) 

Шашкова
Любовь Константиновна 

 ақын, аудармашы, әдебиет сыншысы (келісім бойынша)

Шаханов
Мұхтар

 Қазақстанның халық жазушысы, ақын (келісім бойынша)

Шибұтов
Марат Мақсұмұлы

 Алматы қаласы Қоғамдық кеңесінің мүшесі, қоғам қайраткері, саясаттанушы (келісім бойынша) 

Ізмұхамбетов
Бақтықожа Салахатдинұлы

 «Ардагерлер ұйымы» республикалық қоғамдық бірлестігі орталық кеңесінің төрағасы (келісім бойынша) 

 

 

 

Қазақстан Республикасы
Президентінің
2022 жылғы 14  маусымдағы
№  930  Жарлығына
ҚОСЫМША   

 

 

Қазақстан Республикасы Президентінің күші жойылған

кейбір жарлықтарының

ТІЗБЕСІ  
 

1. «Қазақстан Республикасы Президентінің жанындағы Ұлттық қоғамдық сенім кеңесін құру туралы» Қазақстан Республикасы Президентінің 2019 жылғы 12 маусымдағы № 3 Жарлығы.

2. «Қазақстан Республикасы Президентінің жанындағы Ұлттық қоғамдық сенім кеңесінің ережесін және құрамын бекіту туралы» Қазақстан Республикасы Президентінің 2019 жылғы 17 шілдедегі № 63 Жарлығы.

3. «Қазақстан Республикасы Президентінің жанындағы Ұлттық қоғамдық сенім кеңесінің ережесін және құрамын бекіту туралы» Қазақстан Республикасы Президентінің 2019 жылғы 17 шілдедегі № 63 Жарлығына өзгерістер енгізу туралы» Қазақстан Республикасы Президентінің 2020 жылғы 22 ақпандағы № 268 Жарлығы.

4. «Қазақстан Республикасы Президентінің кейбір жарлықтарына өзгерістер мен толықтыру енгізу туралы» Қазақстан Республикасы Президентінің 2022 жылғы 8 ақпандағы № 806 Жарлығының 1-тармағының 4) тармақшасы.

 

 

 

 

 

 

 


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің