National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Қазақстан Республикасының Президенті Н.А.Назарбаевтың қазақстандықтарды Пасха мерекесімен құттықтауы.23.04.2011ж.


 

Құрметті қазақстандықтар!

Сіздерді Пасха жарқын мерекесімен құттықтаймын!

Бүгін оны барша қазақстандықтар атап өтуде.

Қазақстан – көп этникалық және көп конфессиялы ел.

Біздің басты байлығымыз – бұл халықтар мен діндер арасындағы бейбітшілік пен келісім. Бізде Наурыз, Құрбан айт, Рождество, Ораза айт, Пасханы бірге қарсы алу бұрыннан жақсы дәстүрге айналған. Қазақстан жерінде барлық этностардың мәдениеті гүлденуде және бір-бірін байытуда.

Бүгінгі мереке күні біздің қоғамдағы моральдық қағидалар мен отбасылық құндылықтарды нығайтудағы діннің зор жасампаздық рөлін атап өткім келеді. Біздің бірлігіміз төзімділікке, адамды сүюге, қайырымдылыққа шақыратын жоғары адамгершілік мұраттарға негізделген.

Тәуелсіздіктің 20 жылында біздің бірлігіміз бен топтасқандығымыздың арқасында біз өркендеген Қазақстанды құрдық. Және бүгінде біздің республикамыз тұрақтылықтың, бейбітшілік сүйгіштіктің және келісімнің үлгісі болып табылады. Бүкіл әлем біздің еліміздің өркендеген әлеуетін көруде және Қазақстанның әлемдік қоғамдастықтағы маңызды және жауапты рөлін мойындайды.

Біздің ортақ парызымыз, Қазақстанды сүйген әрбіріміздің парызымыз – рухани және мәдени құндылықтарды сақтау, елімізде халықтың бірлігі мен тұрақтылықты аялай білу және нығайту.

Осы жарқын мереке күні баршаңызға мықты денсаулық, игілік және құт-береке тілеймін!

Әр шаңырақта, біздің ортақ үйіміз – Қазақстан Республикасында бейбітшілік пен тыныштық салтанат құрсын!

Мерекелеріңізбен, қымбатты отандастарым!

 

Қазақстан Республикасының

Президенті Нұрсұлтан  Назарбаев

 


Заңдар

2023 жылғы 06 ақпан

Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Түркия Президенті Режеп Тайип Ердоғанмен телефон арқылы сөйлесті

2023 жылғы 06 ақпан

Мемлекет басшысы Түркия Президенті Режеп Тайип Ердоғанмен телефон арқылы сөйлесті

Жарлық

2023 жылғы 03 ақпан

Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2023 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы